Back to: Yoruba Primary 1
Àlọ́ onítàn ni irúfẹ́ àlọ́ tó ni ìhun ìtàn tó lè dá lé èniyàn, ẹranko tàbí ohun mìíràn tí kò tilẹ̀ lẹ́mìí. Àlọ́ onítàn lè ní orin tàbí kí ó má ní. Irúfẹ́ àlọ́ yìí máa ń kọ́ni ní oríṣìíríṣìí ẹ̀kọ́. Àpẹ̀ẹrẹ àlọ́ onítàn tó ní orin nínú ni ÀLỌ́ ÌJÀPÁ, ỌKẸ́RẸ́ ATI ASÍN.
Ọ̀rẹ́ tímọ́tímọ́ ni Ọ̀kẹ́rẹ́ àti Ìjàpá.
Àwo ni wọ́n jọ ń tà.
Àwo ni Asín náà ń ta.
Ìsọ̀ àwo Asín àti Ọ̀kẹ́rẹ́ ló súnmọ́ ara wọn.
Ní ọjọ́ kan, ìjà bẹ́ sílẹ̀ láàrin Asín àti Ọ̀kẹ́rẹ́
Ìjàpá fẹ́ la ìjà sùgbọ́n ó ń gbìja
Ọkẹ́rẹ́ tó jẹ́ ọ̀rẹ́ rẹ̀.
Asín fi Ọ̀kẹ́rẹ́ śilẹ̀, ó bá gé Ìjàpá ní imú jẹ.
Ìjàpá bá pe àwọn èrò ọjà pé kí wọ́n gba òun lọ́wọ́ Asín, Ó bá ń kọrin báyìí pé:
Lílé: Asín òun ọ̀kẹ́rẹ́
Ègbè: Jó ó mi jó
Lílé: Àwọn ló jọ ń jà
Ègbè: Jó ò mi jó
Lílé: Ìjà yìí mo wá là
Ègbè: jó ó mi jó
Lílé: Asin bù ,mí nímú jẹ
Ègbè: Jó ó mi jó
Lílé: Ẹ gbà mí lọ́wọ́ rẹ̀
Ègbè: Jó ó mi jó
Lílé: Àwo mi ń bẹ lọ́jà
Ègbè: Jó ó mi jó
Àwọn èrò ọjà kò dá ìjàpá lóhùn títí Asín fi gé imú rẹ̀ jábọ́ sílẹ̀. Ìdí nìyí tí i mú ìjàpá fi rẹ́ mọ́lẹ̀ títí di òní olónìí.
Get more class notes, videos, homework help, exam practice on Android [DOWNLOAD]Get more class notes, videos, homework help, exam practice on iPhone [DOWNLOAD]